Ofizialki jaialdiarekin hasi baino lehen, Bilboko hainbat elkarte eta kultur-erakunderekin batera antolatu ditugun jardueretan parte hartzea proposatzen dizuegu. Denak arratsaldez eta debalde izango dira.

Guggenheim Museoan Susan Sontag sortzailearen memoria aitortuko dugu. “Mi reflejo” dokumentalaren protagonistak eta zuzendariak entzungo ditugu trans haurtzaroaz berba egiten. LGTB webserieen inguruko topagune bat. Estereotipoak jarraitzen ez dituzten gorputz eta harremanei buruzko errezitaldi poetikoa eta kontzertua. Eta arratsalde bat LGTB gaiak lantzen duten bideo-jokoak ezagutzeko.

Adi! 3, 2, 1… Zinegoak hastera doa!