OINARRIAK

1. AZALPENA

Zinegoak jaialdia Zinegoak Elkarteak antolatzen du. Bilbon izango da, 2018ko otsaila bukaeran.

2. PARTE-HARTZAILEAK

Zinegoak 2018an parte hartu ahalko dute LGTBIQ+ komunitateen sexu-, genero- edo familia-aniztasun gaiak jorratzen edo agerian jartzen dituzten filmek. Filmen ekoizpen prozesua 2016ko urtarrilaren 1az geroztik egon behar da bukatuta, eta filmak Euskal Herriko areto komertzialetan estreinatu gabekoak izango dira, Zinegoak jaialdia baino lehenago.

3. IZEN EMATEA

Zinegoak 2018ko aurre hautaketan parte hartu ahal izateko, 2017ko urriaren 30a baino lehenago bidali behar da filma, honekin batera:

– Izena emateko fitxa behar bezala beteta eta sinatuta, edo zuzendariaren edo ekoizlearen zigiluarekin. Online bidali behar da webgune hauen bitartez (webguneen hiperesteka)   

• www.zinegoak.com

• www.movibeta.com

• edo posta elektroniko bidez, helbide honetara: ZG18@zinegoak.com.

– screener bat, online, ahal izanez gero gaztelaniazko edo ingelesezko azpitituluekin.

Ez da onartuko ezarritako moduan izena eman ez duten pelikularik.

4. SAIL OFIZIALA

Antolakuntzak 2017ko abenduaren 15a arteko epea du filmen arduradunei jakinarazteko jaialdian parte hartzeko hautatuak izan direla. Hautaketa hori 2018ko urtarriletik aurrera jakinaraziko da jendaurrean.

Hautatuak izan diren filmak 3 sailetan banatuko dira, iraupena eta motaren arabera: fikziozko film luzeak (45 minututik gorako iraupenarekin), film luze dokumentalak (45 minututik gorako iraupenarekin) eta film laburrak (fikziozkoak edo dokumentalak, 45 minutuko edo hortik beherako iraupenarekin).

Zinegoakek eskubidea izango du filmaren irudiak −90 segundoraino− erabiltzeko, hedabideetan zabaltzeko.

5. HAUTATUTAKO PARTE-HARTZAILEEN BETEBEHARRAK

Sail ofizialean hautatuak izan diren filmen arduradunek ondoko betebeharrak dituzte:

– Emanaldirako kopia bidaltzea (Bluray, H264 edo DCP) 2018ko urtarrilaren 30a baino lehenago. Ez dira onartuko bukatu gabeko kopiak, egoera txarrean badaude edo kalitate txarrekoak badira, edo eskatutako formatuetan ez badaude.

– Kopiak azpitituluak behar baditu:

• Azpitituluen fitxategia (srt) edota elkarrizketa-zerrenda gaztelaniaz, baldin badago.

• Azpitituluen fitxategia (srt) edota elkarrizketa-zerrenda ingelesez edo frantsesez, 2018ko urtarrilaren 30a baino lehen.

– Filmaren trailerra, honako fitxategi batean: .mov, .mp4, H264, Full HD (1080), azpititulurik gabe.

– Hiru fotograma, filmaren kartela eta zuzendariaren argazki bat bereizmen handikoa (300 ppp).

Emanaldirako kopiak movibetaren webgunearen bitartez bidali behar dira, edo posta elektronikoz, edo helbide honetara:

Asociación Zinegoak (Zinegoak IFF) C/ Dos de Mayo, 7 bajo izda 48003 Bilbao – Bizkaia

Jaialdiaren antolakuntzak filma lehiaketatik kanpo utz dezake eskatutako materialak ezarritako epean jasotzen ez diren kasuetan. Zinegoaken parte hartzeko hautatua izanez gero, filma ezingo da atzera bota bere azken emanaldia eginda egon arte.

6. MATERIALAK BIDALTZEA ETA ITZULTZEA

Emanaldirako kopiaren bidalketa-gastuak filmaren banaketa- / ekoizpen-etxeari dagozkio. Zerga eta aduana arazoak saihesteko, emanaldirako kopiaren paketean hauxe jarriko da: ACTIVIDAD CULTURAL SIN VALOR COMERCIAL.

Itzultzeko gastuak Zinegoaki dagozkio. Emanaldirako kopia guztiak dagokion banaketa- / ekoizpen-etxeari itzuliko zaizkio. Beste hartzaile bati bidaltzea nahi izanez gero, hala adierazi beharko da. Eta kasu horretan, ekoizpen-etxeak baimen idatzia bidali beharko du posta elektroniko bidez, hartzaile berria eta bere helbidea zehaztuz.

Zinegoakek emanaldirako kopiaren ardura izango du Bilbon dagoen bitartean soilik. Ez ditu bere gain hartuko garraiatzerakoan sor litezkeen kalteak edo desagertzea.

7. HAUTAKETA BATZORDEA ETA EPAIMAHAIA

Zinegoakek kategoria edota sari bakoitzari dagokion Hautaketa Batzordearen eta Epaimahaiaren osaketa erabakiko du. Organo horiek LGTB zinemagintzarekin edota aktibismoarekin lotutako pertsonek osatuko dute, eta horien erabakiak apelaezinak izango dira.

EPAIMAHAIA

– Fikziozko Nazioarteko Epaimahaia (3 kide)

– Dokumentalezko Nazioarteko Epaimahaia (3 kide)

– OFF Zinegoak Epaimahaia (3-4 kide)

– Euskal Aktoreen Batasunaren Epaimahaia. 3 bazkide.

– Gazte Epaimahaia, zenbait eskola eta erakundeetako ikasleek osatua (20 kide gehienez)

– Aniztasun eta Giza Eskubideen Epaimahaia. Giza eskubideen erakundeetako eta Zinema eta Giza Eskubideen Jaialdietako 3 kidek osatua.

– Lesbianismo eta Generoaren Epaimahaia, tokiko eta eskualdeko lesbianen eta feministen erakundeek osatua.

8. SARIAK

Sariak amaiera ekitaldian jakinaraziko dira, eta ondoko kategoriatan banatuko dira:

• Zinegoak Saria (Fikziozko Nazioarteko Epaimahaia):

Fikziozko Film Luze Onena.

Fikziozko Film Luzearen Zuzendaritza Onena.

Fikziozko Film Luzearen Gidoi Onena.

• Zinegoak Saria (Dokumentalezko Nazioarteko Epaimahaia):

Film Luze Dokumental Onena.

• Publikoak, bozketa bidez,erabakiko du:

Zinegoak Publikoaren Saria Film Labur Onenari. 1.000 €-koa (mila euro), Euskaltelek babestua.

• OFF Zinegoak Epaimahaia:

Film Luze Esperimental Onena.

Film Labur Esperimental Onena..

• Euskal Aktoreen Batasunak honakoak emango ditu:

Fikziozko Film Luzean Antzezpen Nagusi Onenaren Saria.

Fikziozko Film Luzean Antzezpen Sekundario Onenaren Saria.

• Gazte Epaimahaia:

Gazte Saria Film Labur Onenari.

• Aniztasun eta Giza Eskubideen Epaimahaia:

Aniztasun eta Giza Eskubideen Saria. 3.000 €-koa (hiru mila euro), Bizkaiko Foru Aldundiko Berdintasun, Lankidetza eta Herritarren  Eskubideen Zuzendaritza Orokorrak emana, Giza Eskubideen munduko egoera hobekien azaltzen duen filmarentzat.

• Lesbianismo eta Generoaren Epaimahaia:

Lesbianismo eta Generoaren Saria. 1.500 €-koa (mila eta bostehun euro), Bilboko Udaleko Berdintasuna, Lankidetza, Bizikidetza eta Jaien Sailak emana, lesbianismoa eta generoa hobekien lantzen duen filmarentzat.

Sari ofizialez gain, epaimahaiek nahi beste aipamen berezi eman ditzakete. Horiek, ordea, ez dute diruzko saririk jasoko.

Diruzko sariek indarreko legeek ezarritako atxikipenak jasango dituzte. Atxikipenaren zenbatekoa saria ematerakoan kenduko da. Sariaren % 50 banatzaile espainiarrarentzat izango da, halakorik baldin balego saria ematen den unean edo 2018an. Sariaren gainerakoa (% 50a, edo sariaren osotasuna banatzaile espainiarrik ez balego) filmaren zuzendaritzaz arduratutako pertsonarentzat izango da, eta, pertsona bat baino gehiago baleude, haien guztien artean banatuko litzateke, zati berdinetan.

Sariak banku-transferentzia nominalaren bidez ordainduko dira, 2018an. Film irabazleek emanaldi-gasturik, tramite fiskalik edo bestelakorik eragingo balute, gastu hori sariaren zenbatekotik kenduko litzateke. Sariaren berri jaso ondoren, enpresa banatzaileak, ekoizleak edota zuzendaritzak dagozkion dokumentuak eta datuak bidali beharko dizkio antolakuntzari, askoz jota 6 hilabeteko epean. Epe horren barruan bidali ezean, edozer zenbateko erreklamatzeko eskubidea galduko da.

9. PELIKULA IRABAZLEAK

Lehiaketa honetan saririk edo aipamen berezirik jaso duten lanak behartuta daude beren publizitatean Zinegoak jaialdiaren antolakuntzak emandako logotipoak jartzera.

10. OINARRIEN ONARPENA

Honako araudi hau euskaraz, ingelesez eta Zinegoak 2018an parte hartzeak oinarri hauen eta Zinegoak taldeak har ditzakeen erabaki guztien onarpena dakar.