Film esplizitua da. Zazpi emakumeren abenturak kontatzen ditu, Annie Sprinklen lanetan oinarritutako “Performances Queer X” showa 2009an Europan zabaldu zutenean bizitakoak… Eta zuzendariak, «dena ikusten duen» kamerarekin, tour hori grabatu zuen.  Performancean -antzezpenak oso esplizituak dira eta ikusmira handia sortzen dute- elkarri eragiten diote, zailtasunak gainditzen dituzte eta errepidean bizitzearen alde onak eta txarrak ezagutzen dituzte.

Beren elkarrizketa eta hausnarketen bitartez,  beren argudioak plazaratzen dituzte, gizarte modernoan oraindik ematen den sexuarekiko lotsa eta errepresioari buruz, batez ere gay eta lesbianak ikusteko moduari dagokionez.

Lagunak, amoranteak, kideak, harreman horiek guztiak Jouveten begietatik aztertzen dira, eta erretratu aparta lortzen du: sexualitatea eta aniztasuna besarkatuz eta nortasun erabat sexualak debekatzen dituzten gizarte arauak deseginez.