Ekainaren 24an, 19:30ean, Zinegoaken aurtengo edizioaren hasiera-ekitaldia ospatuko dugu, Arriaga Antzokian. Luxuzko bi aurkezle izango ditugu: Nerea Arriola aktorea eta Divina Comedia artista drag-a. Gainera, Eddi Circa madrildar kantautoreak musika-emanaldia eskainiko du, eta Clarisa Navas argentinar zinegileak jasoko du 2024ko Zinegoakeko ohorezko saria. Ekitaldiaren amaieran, Sail Ofizialeko film luze bat ikusiko dugu, On the Go (2023), María Gisèle Royo eta Julia de Castro zuzendarien eskutik, road movie ausart, queer eta feminista bat harreman sentimentalei buruz, normatibitateaz haragoko beste ikuspegi batzuetatik pentsatzera gonbidatzen gaituena.