EMAKUME ZUZENDARIAK

Film laburren ziklo honek ikuspegi espezifiko bat eskaintzen digu mundu guztiko emakume sortzaileek LGTBI+ errealitateen inguruko gaiei buruz egindako lanen gainean. Izan ere, Zinegoakek konpromiso irmoa du emakumeek ikus-entzunezko proiektuen zuzendaritzan duten presentzia urriari ikusgarritasun handiagoa emateko.

HAURTZAROA ETA NERABEZAROA

Film laburren ziklo honetan, Berdindu! LGTBIQ+ Arretarako Euskal Zerbitzuarekin lankidetzan, ikuspegi bat aurkeztu nahi dugu adin txikiko LGTBIQ+ pertsonek aurre egin behar dieten errealitateen edo errealitate horiekin bizitzeak dakartzan egoeren inguruan.

QUEERTOPIAK

Film laburren ziklo honetan, harremanak izateko eta gure identitateak eta/edo gure sexualitatea bizitzeko modu utopikoak biltzen dira. Normatibitate nagusiaren erdian, queer oasiak bertatik bertarako errealitate bihurtuko dira, askotariko espazio eta ingurune sozialetan.

SEXILIOAK

Sei film laburrez osaturiko ziklo honetan, diskriminazio-arrazoiengatik edo indarkeria LGTBIfobikoaren ondorioz beren jaioterria edo ingurune hurbila utzi behar izan duten pertsonen bizipenak jasotzen dira. Horrez gain, beren harrera-gune berrietako bizimodua eta are beren jaioterrira itzuli eta beren lekua harrotasunez aldarrikatu dutenen istorioak ere ezagutuko ditugu.

TBIQ+

Film laburren ziklo honetan, LGTBIQ+ kolektiboan ikusgaitasun txikiagoa duten errealitateei buruzko istorioak eskainiko ditugu.