Izatea iraultza bat da

Queer edo LGTBIQ+ zinemako filmen programa honek ikusgai utziko dizkigu zer elkartasun, estimu eta askatasun-bilaketa zeuden 70eko hamarkadan, hau da, Mendebaldean iraultza sexual eta feminista definitu zituzten urteetan. Bi manifestu, batera iraganeko eta egungo mezu bat osatzen dutenak.

Cineground talde portugaldar bat izan zen, tabernetan eta diskoteketan saltzen ziren Super 8 formatuko filmak egiten zituena. Hain zuzen, Cinegrounden parte zen João Paulo Ferreiraren filmek garai hartako queer bizitzaren berri eman zuten. Os Demonios Da Liberdade (1976) sexu-askatasunari buruzko film/manifestu bat da. Elkarrizketan murgiltzen da zinema lesbiko eta feministaren erreferentziazko zinegile Bárbara Hammerrek lagunekin batera egin zuen lehen film labur dokumentalarekin, Superdykerekin (1975), alegia. Film hori lehenbizikoetakoa izan zen Estatu Batuetan zenbait emakume erakusten lesbianak direla esaten eta emakumeen arteko amodioaz hizketan.

Bi obra/manifestu hauekin batera izango dugu Audiences (1983), giza eskubideen irudikapenak eta haien borrokak zineman duen garrantzia gogorarazten digun filma. Manifestu sorta hau guztia zaharberritu eta erreskatatu egin da, memoriari eusteko eta geure buruari funtsezko giza eskubideen eta queer komunitatean bizitza duina eraikitzeari buruzko galderak egiten uzteko.

Superdyke

EAB

1975 / 18 min

Dir Barbara Hammer

Emakumezko superheroien kulturaren bidez, eta feminismoaren eraginpean, film honek lesbianen ahalduntzearen eta ikusgaitasunaren testigantza eskaintzen du.

Os Demónios da Liberdade

Portugal

1976 / 21 min

Dir João Paulo Ferreira

Sexu-askatasunaren aldeko manifestua da, goi-burgesiako familia baten barruko amodio-triangelu baten bidez egina.

Audience

AEB

1983 / 33 min

Dir Barbara Hammer

Barbara Hammerrek bere filmen ikusleak filmatu ditu Londresko, Torontoko eta Montrealeko aretoetan eta San Frantziskoko Gay Harrotasunaren Astean proiektatzen.