ES
ENG
EMAKUME ZUZENDARIAK
Film laburren ziklo honek ikuspegi espezifiko bat eskaintzen digu mundu guztiko emakume sortzaileek LGTBIQ+ errealitateen inguruko gaiei buruz egindako lanen gainean. Izan ere, Zinegoakek konpromiso irmoa du emakumeek ikusentzunezko proiektuen zuzendaritzan duten presentzia urriari ikusgarritasun handiagoa emateko.
ERRESISTENTZIA-EREMUAK
Film laburren ziklo honek gonbidapena egiten digu borroka militante eta politiko aktiboa izatearen garrantziaz hausnartzeko, gorroto-diskurtsoen eta korronte ultrakontserbadoreen gorakadak bultzatutako erasoen kontra, gero eta ugariagoak baitira. Ezbeharren aurrean tinko eutsi beharra daukagula gogorarazten digu, eta gure eskubideen eta bizipenen hauskortasuna gogoan eduki beharra, horiek defendatzeko eta indartzeko.
GEROA OROIMENETIK
Film laburren ziklo honek iraganera begiratzen du, gure etorkizuna era kontzientean eraikitzeko. Gure memoria berreskuratzeko, ez dezagun ahaztu nondik gatozen eta zer ahalegin kolektibok ekarri gaituen gaurko egoerara, eta jakin dezagun zein leku eta egoeratara ez dugun itzuli nahi. Izan zirelako gara, eta garelako izango dira.
HAURTZAROA ETA NERABEZAROA
Film laburren ziklo honetan, Berdindu! LGTBIQ+ Arretarako Euskal Zerbitzuarekin lankidetzan, ikuspegi bat aurkeztu nahi dugu adin txikiko LGTBIQ+ pertsonek aurre egin behar dieten errealitateen edo errealitate horiekin bizitzeak dakartzan egoeren inguruan.
MAITASUN SAREAK
Film laburren ziklo honek askotariko ikuspegiak eskaintzen dizkigu estimu-sareak eraikitzeko modu ugarien inguruan, familiaren ikusmolde patriarkal tradizionaletik harago. Gonbidapena egiten dizuegu istorio hauei esker maitasun-, estimu- eta zaintza-loturak egiteko hainbat era esploratzeko, eta giza harremanak ulertzeko era inklusiboago eta askotarikoagoa sustatzeko.
