Ekainak 27

10:00

Azkuna Zentroa

Sala Bastida

Zinema-artxiboa: Begiradak Geroa oroimenetik

>> João Ferreira, Alejo Duclós

Queer Lisboa eta Queer Oporto zinema-jaialdien zuzendari João Ferreiraren eta Memorias Sinvergüenzas proiektuaren arduradun Alejo Duclós artista eta komisarioaren arteko elkarrizketa bat. Solasaldi bat da, sexu- eta genero-disidentziaren komunitatearen orainak sortzean zinema-artxiboarekin lan egiteak duen garrantziari buruzkoa.
Nola landu daiteke artxiboa jaialdietan? Zer estrategiarekin egin diezaiokegu aurre artxibo ofizialetan queer komunitatea ezabatu izanari? Nola konekta gaitezke berriz iraganarekin egungo erresistentzia-sarea ehuntzeko?

Ekainak 27

11:00

Azkuna Zentroa

Sala Bastida

Denok trans

>> Brigitte Baptiste

Brigitte Baptiste Kolonbiako ingurumen-aditu garrantzitsuenetako bat da, trans erreferente bat eta Brigitte, planeta B filmeko protagonista. Filmaren mundu mailako estreinaldia, hain zuzen, Alondegiko Golem zinemetan izango da, ekainaren 26an, 19:30ean. ZGPROn, queer ekologiaren alorrean egindako lana partekatuko du: naturak ezartzen zaizkion kategoria zurrunei desafio nola egiten dien aztertu du, frogatzeko sarri “antinatural” etiketa jartzen zaion hori, egiaz, bizitzaren soluzio original eta egokitzapenezkoenetako bat izaten dela.

Ekainak 27

12:00

Azkuna Zentroa

Sala Bastida

Sortu landu ahal izan kopulatu

>> Gabriela Wiener

Kapitalismo zuri eta heterozentratuak borrokak eta identitateak irensten dituen honetan, hainbat erronka daude sorkuntza garaikiderako. Sudakasa-ren fundatzaileetako bat, Gabriela Wiener idazlea, hizketan izango dugu gurean, independenteenak ere gaur egun zer independentzia gutxi izaten duen jorratzeko, eta zer behar dagoen espazio komunitarioak, askotarikoak, antiarrazistak eta borrrokatzaileak sortzeko, elkarrekin artikulatzen direnak eraldaketa sozialeko agenda komun bat eraikitzeko bidean.

Ekainak 27

13:00

Azkuna Zentroa

Sala Bastida

Queer erresistentziak eta estimuak

>> Tatiana Romero, David Velduque, EHGAM, Emilio Papamija

Merkatutik eta familiatik harago, laneko eta bizitzako egunerokoan sostengatzen gaituzten egitura ñimiño eta teilakatuak daude. Nola ari gara elkarrekiko espazioak eta queer auzoak sortzen? Nola lor dezakegu eragiteko gaitasun kolektiboa, disidentzientzat gero eta latzagoa den gizarte honetan? Tatiana Romero, Emilio Papamija, David Velduque eta EHGAMekin batera, zinemaren eta aktibismoaren hainbat posiziotatik aztertu nahi dugu nola sortu bizitza kolaboratiborako, gozagarrirako, erresistentziazkorako eta estimuz beterako baldintzak.

Ekainak 27

18:00

La Sinsorga

Etxebizitza alternatiba komunitario, feminista eta queerrak sortzea

>> Colectivo La Morada

La Morada erabilera-lagapeneko etxebizitza-kooperatiba feminista eta queer bat da, Bartzelonan kokatua. Nola lortu dute kolektiboan bizitzeko proiektu hau eraikitzea? La Moradak gogorarazten digu eguneroko bizitza espazio komun baten bidez partekatzea gakoa dela elkarrekiko mendekotasunari eta bizitzaren jasangarritasunari erantzuteko. Nola orekatu dute banakakoa eta kolektiboa? Zergatik aukeratu dute erabilera-lagapena, aukera alternatibo gisa? Nolakoa da lanak kolektibizatzea praktikan?

Ainhoa González Sanchiz
Europa Creativa Desk MEDIA Euskadiren bulegoko arduraduna. Bertatik euskal zinemaren sustapenean parte hartu du eta Europako nazioarteko merkatu garrantzitsuenetan hartu du parte, eta Euskal Herriko eta Europako zinema arloko profesionalen artean berrikuntzako tailerrak eta jardunaldiak antolatu ditu.

Gorka García Peral
Kazetaritzan lizentziatua da eta ondoren, ikus-entzunezko gidoiari buruzko masterra garatu zuen. Lan-ibilbideari dagokionez, Deia egunkarian izan zen bekadun 1995ean, eta jarraian, errealizadore izan zen Euskal Telebistan 1997ean. 2003 eta 2007.urte bitartean Euskal Telebistan Arlo Artistikoen koordinatzaile jardun zen. 2007tik 2013ra Euskal Telebistan Zuzendariorde Artistikoa izan zen, eta 2013 geroztik Euskal Telebistako Programa eta Arte Zuzendaria da.

Ione Feijoo
Giza Zientziak eta Komunikazioan lizentziaduna eta Marketing eta Salmenta Zuzendaritzako masterra. 2022an Zineuskadin lanean hasi zen besteak beste, Basque.Audiovisual markaren nazioarteko marketinga, komunikazioa eta garapena garatzeko.

João Ferreira
Diseinuan lizentziaduna eta Antzerki Ikasketetan masterduna. Queer Lisboako zuzendari artistikoa 2004tik. Coimbrako Unibertsitatean Arte Ikasketetako irakasle aritu zen 2006 eta 2015 artean. Epaimahaikide ere izan da Berlinalen, Cannesen eta Bilboko, Turineko, Pragako, Vienako, São Pauloko eta Palermoko queer zinemaldietan. Queer Film and Culture eta O vírus- cinema: cinema queer e VIH/sida liburuen editoreetako bat da. 2022tik, New Dawn ekoizpen-funtseko epaimahaiko kidea da.

Jorge Garrido
Apoyo Positivo-ko zuzendari exekutiboa eta erakunde horren Algo Está Pasando sormen-hubaren koordinatzailea. Espainiako estatuko komunitate-koordinatzailea da Fast Track Cities ekimenean. Terapeuta da, erakunde sozialen kudeaketan eta komunikazio sozialean aditua. Esperientzia handia du dibertsitatearen, osasun sexual eta publikoaren eta sexu- eta ugalketa-eskubideen alorrean.

Mar Canet
La Casa del Cine Bartzelonako eskolaren fundatzailea eta zuzendaria da. Zuzendari exekutiboa da hainbat jaialditan goretsitako zenbait film egin dituen The New Flesh ekoiztetxean. Bartzelonako Americana Ipar Amerikako Zinema Independentearen Jaialdiko sortzaileetako bat da, Vilafranca del Penedès-eko Most Festival International de Cinema del Vi Jaialdiko koordinatzailea, D’A jaialdiko kolaboratzailea eta Bartzelonako FIRE!! Mostra LGTBIQ+-ko programatzailea.