Buddies

Arthur J. Bressan Jr.-ek zuzendu zuen Buddies, 1985ean, eta GIB-HIES epidemiaren inguruko fikziozko lehen film luzea izan zen. 2019an zaharberritu egin zuten historiako garai oso baten kontakizuna osatzen duen film hau. Daviden istorioa kontatzen du filmak: 25 urteko gizon bat, HIES fasean dagoen pertsona baten «kide» izateko bere burua boluntario aurkezten duena. Zentro komunitarioan Robert esleitu diote, 32 urteko kaliforniar lorezain bat, grina politikoz betea eta haren lagunek eta maitaleek abandonatua.