OINARRIAK XXII. ZINEGOAK

Bilboko LGTBIQ+ Nazioarteko Zinema eta Arte Eszenikoen Jaialdia 2025

 

1. AZALPENA

Zinegoak jaialdia Zinegoak Elkarteak antolatzen du, eta 2025eko ekainean izango da Bilbon.

 

2. PARTE-HARTZAILEAK

Zinegoak 2025en parte hartu ahalko dute LGTBIQ+ komunitatearen sexu-, genero- edo familia-aniztasun gaiak jorratzen eta ezagutarazten duten filmek, betiere beren ekoizpen prozesua 2023ko urtarrilaren 1etik aurrera bukatu bada, eta Zinegoaken parte hartu aurretik Euskal Herriko areto komertzialetan estreinatu ez bada oraindik.

 

3. IZENA EMATEA

Zinegoak 2025eko aurre-hautaketan parte hartu ahal izateko, 2025eko martxoaren 10a baino lehenago eman behar da izena eta dokumentu hauek bidali behar dira:

Izena emateko fitxa osorik beteta, eta sinatuta edo zuzendariaren edo ekoizlearen zigiluarekin. Online bidali behar da, bide hauetakoren batetik:

  • www.zinegoak.com webgunearen bidez helbide elektroniko honetara: films@zinegoak.com
  • Festhome plataformaren bidez

Online screener bat, gaztelaniaz edo ingelesez azpititulatuta, ahal bada.

Izena emateko eskaera onartua izateko, fitxaren atal guztiak bete behar dira.

 

4. SAIL OFIZIALA

Antolakuntza 2025eko apirilaren 16a baino lehenago harremanetan jarriko da jaialdian parte hartzeko hautatuak izan diren hautagaiekin, eta hautatuen zerrenda 2025eko ekainean argitaratuko da.

Hautatutako lanak 3 sailetan banatuko dira, iraupenaren eta motaren arabera: FIK fikziozko film luzeak (45 minututik gorakoak), DOK film luze dokumentalak (45 minututik gorakoak) eta KRAK fikziozko film luzeak edo dokumentalak (narratiba berriak edo proposamen estetiko berriak, 45 minutu baino gehiagoko iraupenarekin). Horrez gain, film laburren kategoria ere egongo da (fikziozkoak edo dokumentalak, 45 minutukoak edo laburragoak).

Zinegoakek eskubidea izango du filmaren zati bat erabiltzeko, gehienez 90 segundo, hedabideetan zabaltzeko.

 

5. HAUTATUEN BETEBEHARRAK

Sail ofizialerako hautatuak izan diren filmeen ordezkariek ondokoa bete behar dute:

  • Emanaldiaren kopia bidali behar dute (Bluray, H264 edo DCP) 2025eko maiatzaren 1a baino lehenago. Ez da onartuko baldintza hauetan bidalitako kopiarik: bukatu gabe badago, egoera txarrean badago, kopia kalitate txarrekoa bada edo eskatutako formatuan ez badago.
  • Kopiak azpitituluak behar baditu, honakoa gehitu beharko zaio:
    • Azpitituluen fitxategia (.srt) edota elkarrizketa-zerrenda gaztelaniaz, baldin badago.
    • Azpitituluen fitxategia (.srt) edota elkarrizketa-zerrenda ingelesez edo frantsesez, 2025eko maiatzaren 1a baino lehenago.
  • Filmaren trailerra bidali behar da, azpititulurik gabe eta honako formaturen batean: .mov, .mp4, H264, Full HD (1080).
  • Hiru fotograma, filmaren kartela eta zuzendariaren argazki bat bereizmen handian (300 ppp).
  • Emanaldiaren kopiak posta elektronikoz edo helbide honetara bidal daitezke: Asociación Zinegoak Elkartea (Zinegoak IFF) C/ Maiatzaren Biko kalea, 7 (baxua, ezk). 48003 Bilbao – Bizkaia

 

Materiala jasotzen ez bada edo ezarritako epetik kanpo jasotzen bada, antolakuntzak eskubidea izango du filma lehiaketatik kanpo uzteko. Zinegoaken parte hartzeko hautatutako lanak ezingo dira atzera bota azken emanaldiaren amaierara arte.

 

6. MATERIALAK BIDALTZEA ETA ITZULTZEA

Emanaldiaren kopiaren bidalketa-gastuak filmaren banaketa-etxeari edo ekoizpen-etxeari dagozkio. Zerga eta aduana arazoak saihesteko, emanaldirako kopiaren paketean hauxe jarriko da: ACTIVIDAD CULTURAL SIN VALOR COMERCIAL – BALIO KOMERTZIALIK GABEKO KULTUR JARDUERA.

Materiala itzultzeko gastuak Zinegoakek ordainduko ditu. Kopia guztiak dagokion banaketa- / ekoizpen-etxeari itzuliko zaizkio. Beste hartzaile bati bidaltzea nahi izanez gero, adierazi egin beharko da. Eta kasu horretan, ekoizpen-etxeak baimen idatzia bidali beharko du, posta elektroniko bidez, hartzaile berria eta helbide berria adieraziz.

Zinegoakek emanaldiaren kopiaren ardura izango du Bilbon dagoen bitartean soilik. Ez du ardurarik izango garraioan sor litezkeen kalteengatik edo filma galtzen bada.

 

7. HAUTAKETA BATZORDEA ETA EPAIMAHAIA

Zinegoaki dagokio kategoria edota sari bakoitzari dagokion Hautaketa Batzordea eta Epaimahaia nola osatuko den erabakitzea. Organo hori LGTBIQ+ arloko zinemagintzarekin edota aktibismoarekin lotutako pertsonek osatuko dute, eta horien erabakiak apelaezinak izango dira.

 

8. EPAIMAHAIA

  • FIK Nazioarteko Epaimahaia (3 kide)
  • DOK Nazioarteko Epaimahaia (3 kide)
  • KRAK Nazioarteko Epaimahaia (3 kide)
  • Euskal Aktoreen Batasunaren Epaimahaia. 3 bazkide.
  • Gazte Epaimahaia, zenbait eskola eta erakundeetako ikasleek osatua (gehienez 20 kide).
  • Aniztasun eta Giza Eskubideen Epaimahaia. Giza eskubideen erakundeetako eta Zinema eta Giza Eskubideen Jaialdietako 3 kidek osatua.
  • Lesbianismo eta Generoaren Epaimahaia, tokiko eta eskualdeko lesbianen eta feministen erakundeek osatua.
  • Senior Epaimahaia (65 urtetik gorako kideek osatua).

 

9. SARIAK

Sariak Itxiera Ekitaldian jakinaraziko dira, eta honako kategorietan egongo dira banatuta:

  • ZINEGOAK SARI NAGUSIA, 2024ko lanik onenarentzat (4.000€). ETBk babestutako saria.

Jaialdiaren hiru kategorietan irabazi duten lanetatik, publikoaren boto gehien jaso duena.

  • Zinegoak FIK Saria (FIK Nazioarteko Epaimahaia): FIK Film Luzerik onena
  • Zinegoak DOK Saria (DOK Nazioarteko Epaimahaia): DOK Film Luzerik onena
  • Zinegoak KRAK Saria (KRAK Nazioarteko Epaimahaia): KRAK Film Luzerik onena
  • Publikoaren saria film labur onenarentzat: Zinegoak Saria Film Labur onenarentzat, publikoaren eskutik. 1.000 €ko (mila euro) saria.
  • Euskal Aktoreen Batasunak honakoak emango ditu:
    • Fikzioko Film Luzeko Antzezpen Nagusi Onenaren Saria.
    • Fikzioko Film Luzeko Antzezpen Sekundario Onenaren Saria.
  • Gazte Epaimahaia: Gazte Saria Film Labur Onenarentzat.
  • Senior Epaimahaia: Senior Epaimahaiaren Saria Film Labur onenarentzat.
  • Aniztasun eta Giza Eskubideen Epaimahaia:

Aniztasun eta Giza Eskubideen Saria, 3.000 €koa (hiru mila euro), Bizkaiko Foru Aldundiko Berdintasun, Lankidetza eta Herritarren Eskubideen Zuzendaritza Orokorraren eskutik, Giza Eskubideen egoera munduan hoberen azaltzen duen filmarentzat.

  • Lesbianismo eta Generoaren Epaimahaia:

Lesbianismo eta Generoaren Saria, 1.500 €koa (mila eta bostehun euro), Bilboko Udaleko Berdintasun, Lankidetza, Bizikidetza eta Jaien Sailaren eskutik, lesbianismoa eta generoa hoberen lantzen duen filmarentzat.

 Sari ofizialez gain, epaimahaiek nahi beste aipamen berezi eman ditzakete. Horiek, ordea, ez dute diruzko saririk jasoko.

Diruzko sariek indarrean dauden legeek ezarritako atxikipenak jasango dituzte. Atxikipenaren zenbatekoa saria ematerakoan kenduko da. Sariaren %50 banatzaile espainiarrarentzat izango da, halakorik baldin balego saria ematen den unean edo 2025ean. Sariaren gainerakoa, % 50a (edo saria oso-osorik banatzaile espainiarrik ez balego) filmaren zuzendaritzaz arduratutako pertsonarentzat izango da, eta, pertsona bat baino gehiago baleude, haien artean banatuko litzateke, zati berdinetan. 

Sariak banku-transferentzia nominalaren bidez ordainduko dira, 2025ean. Garaile ateratako lanak emanaldi-gasturik, tramite fiskalik edo bestelakorik eragingo balu, gastu hori sariaren zenbatekotik kenduko litzateke. Sariaren berri jaso ondoren, banaketa-etxeak, ekoizleak edota zuzendaritzak dagozkion dokumentuak eta datuak bidali beharko dizkio antolakuntzari, askoz jota 6 hilabeteko epean. Epe horren barruan bidali ezean, erreklamaziorik egiteko eskubidea galduko du.

 

10. IRABAZLEAK

Lehiaketa honetan sariren edo aipamen bereziren bat jasotzen duten lanek, Zinegoak jaialdiak emandako ikur edo logotipoak jarri beharko dituzte beren publizitatean.

 

11. OINARRIEN ONARPENA

Honako araudi hau euskaraz, ingelesez eta gaztelaniaz argitaratu da.

Zinegoak 2025en parte hartzearekin batera, oinarri hauek eta Zinegoak taldearen erabakiak onartzeko konpromisoa hartzen da.