DIFFICULT LOVE

“Ekintzaile bisualtzat dut nire burua, egiten dudana erradikala eta politikoa baita. Jendeak guri buruz gehiago jakitea nahi dut, Hegoafrikan bizi garen lesbiana beltzak… gizakiak garela eta existitzen garela”, dio Zanele Muholik pelikularen zati batean, bere argazki bildumari buruz hitz egiten duen bitartean. Bere lan-gelan ikusten dugu guk, emakume lesbianei argazkiak egiten “Faces and Phases” libururako. Argazkiok bere buruari buruz hitz egiten dute, beraien komunitatea aurkeztu eta dokumentatu egiten dute,  bestelako aukera bat aurkezten dute Hegoafrikan nahiz mundu mailan nagusi diren edertasun patroien aurrean. Kamara aurrean magia antzeko zerbait gertatzen da; bere lagun lesbianak diren moduan adieraz dezakete beren burua eta diren moduan erretratatuak izan. Galdu ezin daitekeen dokumental honek arte kritikarien eta Hegoafrikako genero kontuen inguruko teorikoen ahotsak ere jasotzen ditu  Zanele Muholiren lan eztabaidatuari buruz.