BORN THIS WAY

Dokumental honek Kamerungo gay eta lesbianen komunitatearen erretratua egiten du. Lady Gagak “Born This Way” abesti ezagunean aipatzen zuen tolerantzia kimera hutsa da kolektibo horrentzat, izan ere, herri horretan, bost urterainoko kartzelarekin zigortuta dago homosexuala izatea eta familia barruan ere ia ezinezkoa da armairutik ateratzea. Dokumentalak Cédric eta Gertrud Kamerungo bi gazteren bizitzaren jarraipena egiten du: LGTB mugimenduaren aldeko militanteak dira, isilean, eta bitartean, kalean homofobia nagusitzen den arren, gauzak aldatzen ari dira eta onarpena gero eta zabalagoa da. Ugandako homosexualen egoera dokumentatzen zuen lanaren ondoren, “Call me Kuchu” dokumentala hain zuzen (2012an Teddy Sariaren irabazle eta Dokumental Onena eta Giza Eskubideen Sarian jaso zituen Zinegoak 2013an), “Born This Way”k argi uzten du mundu mailako erronkak, tolerantzia eta berdintasunaren aldekoak, oraindik borroka asko dituela irabazteke.