Aurkezpena & Jaia

Plazeratu.klub

Plazeratu.klubarentzat, Iruñerriko LGTBIQA+ kolektiboaren plazera aldarrikatzeko eta ikusgai egiteko espazio kritiko bat da festa. Festa-kultura lokal nagusiaren ikuspegi tradizionalak gaindituz eta queer disidentzietatik abiaturik harremanak izateko beste iruditeria eta kode posible batzuk proposatuz, festarako beste modu batzuk bilatu nahi dituzte, borroka kolektiboak loratzeko eta geure buruak ospatzeko espazio seguruak eduki ditzagun. Plazeratu Klubak Iruñerrian dihardu batik bat, eta Zinegoaken izango ditugu, festaren inguruan proposatzen duten praktika politikoa haien eskutik ezagutzeko eta esperimentatzeko.