ZG PRO ekimena Zinegoak jaialdiak industria zinematografikoari eskaintzen dion esparrua da; zehazki, ikus-entzunezko LGTBIQ+ ekoizpenen berrikuntzari, ikerketari eta prestakuntzari. Funtsezko topagunea da sexu-, identitate- eta genero-aniztasunarekin loturiko zinemagintzan diharduten eragile eta espazioei ikusgaitasuna emateko, baita eragile horiek prestakuntza-esparru espezializatuetara hurbiltzeko ere.

Egia da azken urteetan queer zinema gehiago dagoela zirkuitu komertzialetan eta arrakasta handiz iristen dela ikus-entzuleengana zine-aretoen bitartez; hala eta guztiz ere, proiektu gehienentzat ezinezkoa da harresi hori zeharkatzea. Hori dela eta, 2024ko ZG PRO egitasmoak laguntza emango die aurten ere Euskal Herriko, Espainiako estatuko zein nazioarteko LGTBIQ+ zine-proiektuei.

Bide horretan, Europa Sur LGTBIQ+ Jaialdien Sarearen laguntza izango dugu; gogoan izan sare horren barruan daudela Queer Lisboa eta Queer Porto jaialdiak, Mix Milano, Parisko Chéries-chéris eta Zinegoak.

Aurtengo berritasuna Espainiako Estatuko LGBTIQ+ Laborategien Sarea izango da, Fire!! Lab (Fire!! jaialdia, Bartzelona) eta Queercinelab (Triángulo fundazioko jaialdiak biltzen dituena: Lesgaicinemad, Cinhomo, Andalesgai, Fancinequeer eta Zinegoaken ZG PRO) ekimenek osatua. Aurten, gainera, Donostiako Zinemaldiarekin batera, sari bat sortu dugu elkarlanean: ZG PRO Industry SSIFF Saria. Hala, laborategi bakoitzak proiektu bat sarituko du, eta proiektu irabazlearen ekoizleek aukera izango dute Donostiako Zinemaldiaren industria-foroetan egoteko, parte hartzeko eta haietan sartzeko. Helburua, betiere, LGTBIQ+ proiektuak ikusgarri egiteko eta sustatzeko aliantza bat sortzea da.

Horrez gain, gurekin izango dugu Incoproduction zine- eta telebista-proiektuetarako merkatu digitala. Aurten, gainera, lankidetza estuagoa izango dugu, ZG PRO Work in Progress plataformari esker (WIP) eta Music Library & SFX -en babesarekin.

ZG PRO bi egunetan egingo da. Ekainaren 27an, ikus-entzunezkoen eta kulturaren sektoreko Euskal Herriko, Espainiako estatuko eta nazioarteko zenbait profesional entzutetsuk master classak eskainiko dituzte Azkuna Zentroko Bastida aretoan. Ekainaren 28an, berriz, ZG PRO Lab ekimena izango da, Azkuna Zentroko Iparragirre aretoan; zehazki, pitching formatuan aukeraturiko proiektuak aurkeztu, DAMAk eskainitako du ikastaroa, eta ZG PRO epaimahaia osatzen duten pertsonekin one to one saioak egingo ditugu.

ZG PROko jarduerak ikus-entzule guztiei irekiak dira; nolanahi ere, arreta berezia eskaintzen zaie sektoreko profesionalei eta LGTBIQ+ kulturan oinarrituriko industria zinematografikoari buruzko prestakuntza jaso nahi duten ikasleei.

Hizlariak

TAU LUNA ACOSTA

Artista bisuala, ikertzailea, komisarioa, bitartekaria

ANAÍS CÓRDOBA-PÁEZ

Bideografoa, djLaNïn, komisarioa

SONIA FERNÁNDEZ PAN

Idazlea, ikertzailea

DANELE SARRIUGARTE

Idazlea, itzultzailea

FELA VILA NÚÑEZ

Ikertzailea, irakaslea, idazlea, komisarioa, aktibista

Masterclass

Ekainak 27

sala Bastida aretoa

Azkuna Zentroa

10:00

Con el tiempo la maleza se impone

Sonia Fernández Pan (Idazlea, Ikertzailea).

Sastrakekin pentsatzeko saiakera bat, istorioak kontatzeko estimulu basati batetik sortutakoa. Hainbat bidelagun izango ditut: keinu intuitiboak, lagunak, nahaste-borraste zentzuak, pelikulak, jatorri anitzak, elkarrizketak, joan-etorrian dauden sustraiak, laserrez egindako irudiak eta belar txar onak.

Ekainak 27

sala Bastida aretoa

Azkuna Zentroa

11:00

Itxaropen motaren bat.

Tau Luna Acosta

Ipar globalean irudikatzen den mundu-amaierari kontrajarrita, Hegoaldean mundu-amaiera sistemikoak bizi izan ditugu, eta horrek beste mundu batzuk irudikatzea eta etengabe sortzea ekarri du beti, ez oinazerik gabe. Amorruari eta maitasunari esker eusten diogu munduen sorrerari, itxaropena eraikitzeko tresnak baitira, antzua dirudien lurrean ere haziak ereiteko teknologia politikoak. Nire lanean, ikusmen-arteak, lankidetzazko esperientziak eta ikus-entzunezkoak gurutzatzen dira, gizakien eta gizakia-baino-gehiagoko izakien artean pentsa dezagun nola duindu daitezkeen migrazioak, lurralde-lekualdatzeak, sexu-genero disidentziak eta ordena kolonial estraktibistak zeharkaturiko bizitzak duintzeaz.

Ekainak 27

sala Bastida aretoa

Azkuna Zentroa

12:00

Mahai ingurua

Dantza! Queer jaia irudiaren espazio politiko gisa

1980ko hamarkadan azaleratu zen gorputza politikoa dela, eta, berehala, jaia erresistentziarako esparru bilakatu zen. Queer gorputzak aldarrikatzean, gozatzearekin batera sexu-politikak eta praktika disidenteak eraikitzea aldarrikatzen da.

Jaia oinazea da, amorrua, maitasuna, desira, plazera, burua zoratzen duen erritmoa, bihotzak sentimendu berean elkartzen dituena. Jaia dantza eta borroka da, gorputzen aldarrikapenaren alde, aldarrikapenari esker izan daitezkeen gorputzen alde.

Nola berrasmatzen dira hizkuntza politikoak jai-giroan? Non dago jaiaren izate eta egitearen eta queer gorputzen arteko bidegurutzea?

Anaís Córdova-Páez, Sonia Fernández Pan, Danele Sarriugarte eta Fefa Vila Núñez hainbat ahotsetara bilduko dira elkarrizketa batean. Mugimenduak, musikak eta jaiak betetzen duten esparruko queer esperientziak partekatuko dituzte, etengabe zentsuratzen, zigortzen eta ospatzen den irudi baten inguruan.

Ekainak 28

sala Iparragirre aretoa

Azkuna Zentroa

10:00 – 14:30 / 17:30 – 18:00

ZG PRO LAB 2024 jardunaldia hasteko, ZiNaizen ikus-entzunezko edukiak sortzeko lehiaketa aurkeztuko du Naizen Adingabe Transexualen Elkarteak. Helburua haur transen askotariko errealitateak ikusarazteko ikus-entzunezko edukien sorrera bultzatzea da, eta aurkezpenean azalduko dituzte lehiaketaren oinarriak.

Ondoren, aukeraturiko proiektuak aurkeztuko ditugu, pitching formatuan. ZG PRO sarietarako hautagaiak izango dira proiektu horiek, eta zinemaren sektoreko profesionalek eta Europa Sur LGTBIQ+ Jaialdien Sarearen ordezkari batek osaturiko epaimahai batek erabakiko ditu sariak.

Goizeko saioaren amaieran, eskubideen kudeaketari eta zinema-ekoizpenari buruzko hitzaldi bat eskainiko du DAMAk, ikus-entzunezko autoreen eskubideen bilketan, kudeaketan eta banaketan espezializaturiko Espainiako erakunde kudeatzaileak.

Arratsaldean, one-to-one saioak izango ditugu, eta, amaitzeko, sariak banatuko ditugu.

Programación:

10:00 Aurkezpena. ZiNaizen.

10:30 Pitching saioak. 5 proiektu (30 min/proiektu bakoitza).

13:30-14:30 DAMA. Ikus-entzunezko lanen egile-eskubideen kudeaketa. 

16:00-17:00 1-1 saioak. 

17:00-17:30 Sariak.

Epaimahaia

Margherita Ghetti

Zinema eta Komunikabideetan doktorea Kaliforniako Unibertsitatean (Berkeley). Zinema eta Kultura Queer-ari buruzko Mix Milano LGTBIQ+ Nazioarteko Jaialdiko programatzailea da. Aldi berean, Wanted Cinemaren banaketa-katalogoarekin loturiko ekitaldien komunikazio- eta programazio-arduraduna da. Italiako Zinemaren Historiako irakaslea izan da. Kalifornian, programazio- eta komunikazio-lanak egin zituen Berkeleyko Arte Museoan eta Pazifikoko Zinema Artxiboan (BAMPFA) eta Mill Valleyko Zinema Jaialdian (MVFF).

Zuri Goikoetxea

2010etik, gidoilari-, zuzendari- eta ekoizle-lanetan dihardu Doxa ekoizpen-etxean. Haren lan eta kolaborazioak hainbat aldiz aukeratu eta saritu dira hainbat jaialditan: Cannesko Jaialdia, Donostiako Zinemaldia, Xixoneko Nazioarteko Zinema Jaialdia – FICX, Kopenhageko Dokumentalen Nazioarteko Jaialdia – CPH:DOX edo Nyongo Nazioarteko Zinemaldia – Visions du réel, besteak beste. 2021ean, Berlinale Talenterako hautatu zuten; 2018an, ikus-entzunezko egonaldi batean parte hartu zuen, Matadero Madridek antolatuta, Cabeza y corazón filmarekin; eta, 2021ean, Cabello/Carceller-en Una voz para Erauso piezaren ekoizlea izan zen, Azkuna Zentroko erakusketa batean, Paul B. Preciadoren komisariotzapean.

Ainhoa González Sanchiz

Europa Creativa Desk MEDIA Euskadiren bulegoko arduraduna. Europako nazioarteko merkatu garrantzitsuenetan hartu du parte, eta Euskal Herriko eta Europako zinema arloko profesionalen artean berrikuntzako tailerrak eta jardunaldiak antolatu ditu.

Peter Stephens

Music Library & SFX-eko bazkidea, Audio Network ekoizpen-musikako katalogoaren editoreordea eta Espainiako ordezkaria. Ibilbide luzeko proiektu-koordinatzailea; haren lanen artean, azpimarratzekoak dira kolaborazioen kudeaketaren arloko eginkizunak, ML&SFX/Acorde musika-ikuskaritzako ataleko ekitaldietan parte hartzea eta AltMusic-en katalogoa. AltContent argitaletxe eta ekoiztetxearen bitartez, Izaskun Arandiaren My Way Out dokumentalaren ekoizpenean parte hartu du (2023). Filmetarako musika-ekoizpenaren eta -aholkularitzaren arloko sariak banatzen ditu Espainiako estatuko hainbat jaialditan.

María Basagoiti Salazar

Ikus-entzunezko Komunikazioan lizentziatua izateaz gain, Zinema Industriako Enpresen Kudeaketa masterra egin zuen. Hamar urte baino gehiago eman ditu programak, realityak eta fikziozko lanak ekoizten; besteak beste, Mediaseten, Video Median eta Pausokan. 2021etik 2024ra, Primeran eta Makusi OTTak kudeatzen eta martxan jartzen aritu da, eta, gaur egun, EITBko antena-eskubide eta koprodukzioen ko-arduraduna da.

Sariak

ZG PRO Laborategia Saria (1.000 €)

ZG PRO Lab 2024ko proiekturik aipagarrienarentzat.

Music Library ZG PRO Saria 

Music Library & SFX-k babestua. AudioNetwork eta AltMusic ekoizpen-katalogoetan sartzeko tarifa finkoa, 360º musika-ikuskapeneko zerbitzuak, musika komertzialen eskubideak negoziatzeko karguen gaineko deskontuak, eta estudioak eta SFX erabiltzeko aukera (1.500 €-ko balioa du sari honek).

Industry SSIFF ZG PRO Saria

Espainiako Estatuko LGTBIQ+ Laborategien Sarearen eta SSIFFaren arteko ekimen bat da. Bidaia-poltsa bat, akreditazioa, lekualdatzeak eta lo egiteko tokia Zinemaldiaren bi egunetan, eta zenbait ekoiztetxe eta industria-agenterekiko bilera sorta bat.

Anunnaki

Zuz: Iker Oiz Elgorriaga

Eko: Isabel Sáez Pérez

Anuarren ametsa dantza egiten ikastea eta eszenatoki gainean distira egitea da. Haren dantza-taldearen egunerokoa ezagutuko dugu: Kiki House of Anunnaki. Bere hirian aitzindari, ballroom kultura eta vogue dantza ekarri ditu Iruñeko karriketara. Anuarrekin eta haren LGTBIQ+ familiarekin batera abiatuko gara arrakastaranzko bidean eta beren identitatearen bilaketan. Era berean, ballroom kultura ezagutuko dugu, identitate transexual eta arrazializatuek New Yorken 1970eko hamarkadan sorturiko mugimendua.

High

Zuz: Daniel Alegrete

Eko: Santiago Skiappa

Bidaia bat egingo dugu Larriren memorian barrena. Larrik High sortu zuen, Euskal Herriko lehen klub gaya. 1977an ireki zituen ateak, Bilbon; handik gutxira, antzeko beste klub batzuk sortu ziren, baina High da iraun duen bakarra, eta duela lau hamarkada bezalaxe dago.

Los Siento

Zuz: Bella Cintra, Laurent López de Gardey

Eko: Rodrigo Lavorato

Film dokumental trans/queer honek transen sentimenduen bazterketan sakontzen du. Bide bat ireki nahi du ikus-entzuleen eta filmeko pertsonen artean, bizitza errealean ez dagoen konexio bat lortzeko asmoz.

Las niñas de Canchas

Zuz: Raul Villalba Palacin

Eko: Noor Husheri Pastrana

Valentinak hemezortzi urte beteko ditu laster. Bere urtebetetzearen bezperan, bere jarrera aldarazteko zentrotik ihes egingo du, familiaren ezusteko bisitaren ondoren.

Los versos perdidos

Zuz: Susana Ramírez de Arellano

Eko: Michèle Massé

Espainia, 1936. Gazte talde bat Lorca askatzen ahaleginduko da, baina, dena gaizki atera, eta ihes egin beharko dute. Larriduraz beteriko bidaia batean, ahal bezala borrokatuko dira gerra-giro bete-betean aurrera egiteko eta bizirik ateratzeko. Inork ez ditu prestatu bidaia horretarako.

ZG PRO ekimena Zinegoak jaialdiak industria zinematografikoari eskaintzen dion esparrua da; zehazki, ikus-entzunezko LGTBIQ+ ekoizpenen berrikuntzari, ikerketari eta prestakuntzari. Funtsezko topagunea da sexu-, identitate- eta genero-aniztasunarekin loturiko zinemagintzan diharduten eragile eta espazioei ikusgaitasuna emateko, baita eragile horiek prestakuntza-esparru espezializatuetara hurbiltzeko ere.

Egia da azken urteetan queer zinema gehiago dagoela zirkuitu komertzialetan eta arrakasta handiz iristen dela ikus-entzuleengana zine-aretoen bitartez; hala eta guztiz ere, proiektu gehienentzat ezinezkoa da harresi hori zeharkatzea. Hori dela eta, 2024ko ZG PRO egitasmoak laguntza emango die aurten ere Euskal Herriko, Espainiako estatuko zein nazioarteko LGTBIQ+ zine-proiektuei.

Bide horretan, Europa Sur LGTBIQ+ Jaialdien Sarearen laguntza izango dugu; gogoan izan sare horren barruan daudela Queer Lisboa eta Queer Porto jaialdiak, Mix Milano, Parisko Chéries-chéris eta Zinegoak.

Aurtengo berritasuna Espainiako Estatuko LGBTIQ+ Laborategien Sarea izango da, Fire!! Lab (Fire!! jaialdia, Bartzelona) eta Queercinelab (Triángulo fundazioko jaialdiak biltzen dituena: Lesgaicinemad, Cinhomo, Andalesgai, Fancinequeer eta Zinegoaken ZG PRO) ekimenek osatua. Aurten, gainera, Donostiako Zinemaldiarekin batera, sari bat sortu dugu elkarlanean: ZG PRO Industry SSIFF Saria. Hala, laborategi bakoitzak proiektu bat sarituko du, eta proiektu irabazlearen ekoizleek aukera izango dute Donostiako Zinemaldiaren industria-foroetan egoteko, parte hartzeko eta haietan sartzeko. Helburua, betiere, LGTBIQ+ proiektuak ikusgarri egiteko eta sustatzeko aliantza bat sortzea da.

Horrez gain, gurekin izango dugu Incoproduction zine- eta telebista-proiektuetarako merkatu digitala. Aurten, gainera, lankidetza estuagoa izango dugu, ZG PRO Work in Progress plataformari esker (WIP) eta Music Library & SFX -en babesarekin.

ZG PRO bi egunetan egingo da. Ekainaren 27an, ikus-entzunezkoen eta kulturaren sektoreko Euskal Herriko, Espainiako estatuko eta nazioarteko zenbait profesional entzutetsuk master classak eskainiko dituzte Azkuna Zentroko Bastida aretoan. Ekainaren 28an, berriz, ZG PRO Lab ekimena izango da, Azkuna Zentroko Iparragirre aretoan; zehazki, pitching formatuan aukeraturiko proiektuak aurkeztu, DAMAk eskainitako du ikastaroa, eta ZG PRO epaimahaia osatzen duten pertsonekin one to one saioak egingo ditugu.

ZG PROko jarduerak ikus-entzule guztiei irekiak dira; nolanahi ere, arreta berezia eskaintzen zaie sektoreko profesionalei eta LGTBIQ+ kulturan oinarrituriko industria zinematografikoari buruzko prestakuntza jaso nahi duten ikasleei.

Hizlariak

TAU LUNA ACOSTA

Artista bisuala, ikertzailea, komisarioa, bitartekaria

ANAÍS CÓRDOBA-PÁEZ

Bideografoa, djLaNïn, komisarioa

SONIA FERNÁNDEZ PAN

Idazlea, ikertzailea

DANELE SARRIUGARTE

Idazlea, itzultzailea

FELA VILA NÚÑEZ

Ikertzailea, irakaslea, idazlea, komisarioa, aktibista

Masterclass

Ekainak 27

sala Bastida aretoa

Azkuna Zentroa

10:00

Con el tiempo la maleza se impone

Sonia Fernández Pan (Idazlea, Ikertzailea).

Sastrakekin pentsatzeko saiakera bat, istorioak kontatzeko estimulu basati batetik sortutakoa. Hainbat bidelagun izango ditut: keinu intuitiboak, lagunak, nahaste-borraste zentzuak, pelikulak, jatorri anitzak, elkarrizketak, joan-etorrian dauden sustraiak, laserrez egindako irudiak eta belar txar onak.

Ekainak 27

sala Bastida aretoa

Azkuna Zentroa

11:00

Itxaropen motaren bat.

Tau Luna Acosta

Ipar globalean irudikatzen den mundu-amaierari kontrajarrita, Hegoaldean mundu-amaiera sistemikoak bizi izan ditugu, eta horrek beste mundu batzuk irudikatzea eta etengabe sortzea ekarri du beti, ez oinazerik gabe. Amorruari eta maitasunari esker eusten diogu munduen sorrerari, itxaropena eraikitzeko tresnak baitira, antzua dirudien lurrean ere haziak ereiteko teknologia politikoak. Nire lanean, ikusmen-arteak, lankidetzazko esperientziak eta ikus-entzunezkoak gurutzatzen dira, gizakien eta gizakia-baino-gehiagoko izakien artean pentsa dezagun nola duindu daitezkeen migrazioak, lurralde-lekualdatzeak, sexu-genero disidentziak eta ordena kolonial estraktibistak zeharkaturiko bizitzak duintzeaz.

Ekainak 27

sala Bastida aretoa

Azkuna Zentroa

12:00

Mahai ingurua

Dantza! Queer jaia irudiaren espazio politiko gisa

1980ko hamarkadan azaleratu zen gorputza politikoa dela, eta, berehala, jaia erresistentziarako esparru bilakatu zen. Queer gorputzak aldarrikatzean, gozatzearekin batera sexu-politikak eta praktika disidenteak eraikitzea aldarrikatzen da.

Jaia oinazea da, amorrua, maitasuna, desira, plazera, burua zoratzen duen erritmoa, bihotzak sentimendu berean elkartzen dituena. Jaia dantza eta borroka da, gorputzen aldarrikapenaren alde, aldarrikapenari esker izan daitezkeen gorputzen alde.

Nola berrasmatzen dira hizkuntza politikoak jai-giroan? Non dago jaiaren izate eta egitearen eta queer gorputzen arteko bidegurutzea?

Anaís Córdova-Páez, Sonia Fernández Pan, Danele Sarriugarte eta Fefa Vila Núñez hainbat ahotsetara bilduko dira elkarrizketa batean. Mugimenduak, musikak eta jaiak betetzen duten esparruko queer esperientziak partekatuko dituzte, etengabe zentsuratzen, zigortzen eta ospatzen den irudi baten inguruan.

Ekainak 28

sala Iparragirre aretoa

Azkuna Zentroa

10:00 – 14:30 / 17:30 – 18:00

ZG PRO LAB 2024 jardunaldia hasteko, ZiNaizen ikus-entzunezko edukiak sortzeko lehiaketa aurkeztuko du Naizen Adingabe Transexualen Elkarteak. Helburua haur transen askotariko errealitateak ikusarazteko ikus-entzunezko edukien sorrera bultzatzea da, eta aurkezpenean azalduko dituzte lehiaketaren oinarriak.

Ondoren, aukeraturiko proiektuak aurkeztuko ditugu, pitching formatuan. ZG PRO sarietarako hautagaiak izango dira proiektu horiek, eta zinemaren sektoreko profesionalek eta Europa Sur LGTBIQ+ Jaialdien Sarearen ordezkari batek osaturiko epaimahai batek erabakiko ditu sariak.

Goizeko saioaren amaieran, eskubideen kudeaketari eta zinema-ekoizpenari buruzko hitzaldi bat eskainiko du DAMAk, ikus-entzunezko autoreen eskubideen bilketan, kudeaketan eta banaketan espezializaturiko Espainiako erakunde kudeatzaileak.

Arratsaldean, one-to-one saioak izango ditugu, eta, amaitzeko, sariak banatuko ditugu.

Programación:

10:00 Aurkezpena. ZiNaizen.

10:30 Pitching saioak. 5 proiektu (30 min/proiektu bakoitza).

13:30-14:30 DAMA. Ikus-entzunezko lanen egile-eskubideen kudeaketa. 

16:00-17:00 1-1 saioak. 

17:00-17:30 Sariak.

Epaimahaia

Margherita Ghetti

Zinema eta Komunikabideetan doktorea Kaliforniako Unibertsitatean (Berkeley). Zinema eta Kultura Queer-ari buruzko Mix Milano LGTBIQ+ Nazioarteko Jaialdiko programatzailea da. Aldi berean, Wanted Cinemaren banaketa-katalogoarekin loturiko ekitaldien komunikazio- eta programazio-arduraduna da. Italiako Zinemaren Historiako irakaslea izan da. Kalifornian, programazio- eta komunikazio-lanak egin zituen Berkeleyko Arte Museoan eta Pazifikoko Zinema Artxiboan (BAMPFA) eta Mill Valleyko Zinema Jaialdian (MVFF).

Zuri Goikoetxea

2010etik, gidoilari-, zuzendari- eta ekoizle-lanetan dihardu Doxa ekoizpen-etxean. Haren lan eta kolaborazioak hainbat aldiz aukeratu eta saritu dira hainbat jaialditan: Cannesko Jaialdia, Donostiako Zinemaldia, Xixoneko Nazioarteko Zinema Jaialdia – FICX, Kopenhageko Dokumentalen Nazioarteko Jaialdia – CPH:DOX edo Nyongo Nazioarteko Zinemaldia – Visions du réel, besteak beste. 2021ean, Berlinale Talenterako hautatu zuten; 2018an, ikus-entzunezko egonaldi batean parte hartu zuen, Matadero Madridek antolatuta, Cabeza y corazón filmarekin; eta, 2021ean, Cabello/Carceller-en Una voz para Erauso piezaren ekoizlea izan zen, Azkuna Zentroko erakusketa batean, Paul B. Preciadoren komisariotzapean.

Ainhoa González Sanchiz

Europa Creativa Desk MEDIA Euskadiren bulegoko arduraduna. Europako nazioarteko merkatu garrantzitsuenetan hartu du parte, eta Euskal Herriko eta Europako zinema arloko profesionalen artean berrikuntzako tailerrak eta jardunaldiak antolatu ditu.

Peter Stephens

Music Library & SFX-eko bazkidea, Audio Network ekoizpen-musikako katalogoaren editoreordea eta Espainiako ordezkaria. Ibilbide luzeko proiektu-koordinatzailea; haren lanen artean, azpimarratzekoak dira kolaborazioen kudeaketaren arloko eginkizunak, ML&SFX/Acorde musika-ikuskaritzako ataleko ekitaldietan parte hartzea eta AltMusic-en katalogoa. AltContent argitaletxe eta ekoiztetxearen bitartez, Izaskun Arandiaren My Way Out dokumentalaren ekoizpenean parte hartu du (2023). Filmetarako musika-ekoizpenaren eta -aholkularitzaren arloko sariak banatzen ditu Espainiako estatuko hainbat jaialditan.

María Basagoiti Salazar

Ikus-entzunezko Komunikazioan lizentziatua izateaz gain, Zinema Industriako Enpresen Kudeaketa masterra egin zuen. Hamar urte baino gehiago eman ditu programak, realityak eta fikziozko lanak ekoizten; besteak beste, Mediaseten, Video Median eta Pausokan. 2021etik 2024ra, Primeran eta Makusi OTTak kudeatzen eta martxan jartzen aritu da, eta, gaur egun, EITBko antena-eskubide eta koprodukzioen ko-arduraduna da.

Sariak

ZG PRO Laborategia Saria (1.000 €)

ZG PRO Lab 2024ko proiekturik aipagarrienarentzat.

Music Library ZG PRO Saria 

Music Library & SFX-k babestua. AudioNetwork eta AltMusic ekoizpen-katalogoetan sartzeko tarifa finkoa, 360º musika-ikuskapeneko zerbitzuak, musika komertzialen eskubideak negoziatzeko karguen gaineko deskontuak, eta estudioak eta SFX erabiltzeko aukera (1.500 €-ko balioa du sari honek).

Industry SSIFF ZG PRO Saria

Espainiako Estatuko LGTBIQ+ Laborategien Sarearen eta SSIFFaren arteko ekimen bat da. Bidaia-poltsa bat, akreditazioa, lekualdatzeak eta lo egiteko tokia Zinemaldiaren bi egunetan, eta zenbait ekoiztetxe eta industria-agenterekiko bilera sorta bat.

Anunnaki

Zuz: Iker Oiz Elgorriaga

Eko: Isabel Sáez Pérez

Anuarren ametsa dantza egiten ikastea eta eszenatoki gainean distira egitea da. Haren dantza-taldearen egunerokoa ezagutuko dugu: Kiki House of Anunnaki. Bere hirian aitzindari, ballroom kultura eta vogue dantza ekarri ditu Iruñeko karriketara. Anuarrekin eta haren LGTBIQ+ familiarekin batera abiatuko gara arrakastaranzko bidean eta beren identitatearen bilaketan. Era berean, ballroom kultura ezagutuko dugu, identitate transexual eta arrazializatuek New Yorken 1970eko hamarkadan sorturiko mugimendua.

High

Zuz: Daniel Alegrete

Eko: Santiago Skiappa

Bidaia bat egingo dugu Larriren memorian barrena. Larrik High sortu zuen, Euskal Herriko lehen klub gaya. 1977an ireki zituen ateak, Bilbon; handik gutxira, antzeko beste klub batzuk sortu ziren, baina High da iraun duen bakarra, eta duela lau hamarkada bezalaxe dago.

Los Siento

Zuz: Bella Cintra, Laurent López de Gardey

Eko: Rodrigo Lavorato

Film dokumental trans/queer honek transen sentimenduen bazterketan sakontzen du. Bide bat ireki nahi du ikus-entzuleen eta filmeko pertsonen artean, bizitza errealean ez dagoen konexio bat lortzeko asmoz.

Las niñas de Canchas

Zuz: Raul Villalba Palacin

Eko: Noor Husheri Pastrana

Valentinak hemezortzi urte beteko ditu laster. Bere urtebetetzearen bezperan, bere jarrera aldarazteko zentrotik ihes egingo du, familiaren ezusteko bisitaren ondoren.

Los versos perdidos

Zuz: Susana Ramírez de Arellano

Eko: Michèle Massé

Espainia, 1936. Gazte talde bat Lorca askatzen ahaleginduko da, baina, dena gaizki atera, eta ihes egin beharko dute. Larriduraz beteriko bidaia batean, ahal bezala borrokatuko dira gerra-giro bete-betean aurrera egiteko eta bizirik ateratzeko. Inork ez ditu prestatu bidaia horretarako.