ES
ENG
EMAKUME ZUZENDARIAK
Film laburren ziklo honek ikuspegi espezifiko bat eskaintzen digu mundu guztiko emakume sortzaileek LGTBI+ errealitateen inguruko gaiei buruz egindako lanen gainean. Izan ere, Zinegoakek konpromiso irmoa du emakumeek ikus-entzunezko proiektuen zuzendaritzan eta sorkuntzan duten presentzia urriari ikusgarritasun handiagoa emateko.
HAURTZAROA ETA NERABEZAROA
Film laburren ziklo honetan, Berdindu! LGTBI+ Arretarako Euskal Zerbitzuarekin lankidetzan, ikuspegi bat aurkeztu nahi dugu adin txikiko LGTBI+ pertsonek aurre egin behar dieten errealitateen edo errealitate horiekin bizitzeak dakartzan egoeren inguruan.
MAITASUNEZKO POLIEDROAK
Film laburren ziklo honetan, bi pertsonaren arteko harremanetatik harago maitasun-loturak ezartzeko bestelako moduez jardungo dugu. Triangeluek, poliedroek eta esparru ireki eta likidoek gorpuztuko dituzte interakzioan aritzeko eta afektiboki eta emozionalki adierazteko era berriak.
TRANTSIZIOAK
Film laburren ziklo honek hainbat ikuspuntutatik jasotzen du trans pertsonen bizipen eta esperientzien aniztasuna. Zikloko istorio-mosaikoek argi uzten dute ugaria dela trans errealitatea, hura osatzen duten pertsonak bezainbeste.
