ES
ENG
DOK
NEREA BARJOLA RAMOS
Feminismoak eta Generoa arloko doktorea (Euskal Herriko Unibertsitatea), Zientzia Politiko eta Administraziokoetan lizentziatua, idazlea eta aktibista feminista da. 2018an, Microfísica sexista del poder. El caso Alcàsser y la construcción del terror sexual (Virus, 2018) argitaratu zuen, eta, 2021ean, Espainiako Berdintasun Ministerioak aipamen bat egin zion lan horri, «eraldaketa sozialerako lana» kategorian. Gaur egun, saiakera- eta literatura-testuak sortzen eta berdintasun-politikarekin loturiko enkarguzko lanak egiten ditu.
JOANA DE SOUSA
Kultura-ekoizlea, komisarioa eta zinemagilea da. Urteetan zehar, diziplinarteko hainbat proiektu garatu ditu. 2015etik 2023ra, programatzaile gisa lan egin zuen Doclisboa Nazioarteko Film Jaialdian, eta zuzendaritzako kidea ere izan zen, 2019tik 2022ra bitartean. 2023az geroztik, Cinemateca Portuguesako artxibo-bildumaren sustapen- eta zabalkunde-arduraduna da. Horrez gain, Rabbit Hole kolektibo artistikoan ere parte hartzen du. Haren filmetan, gorputz-pertzepzioei, ametsei eta esplorazio postgizatiarrei heltzen die batik bat.
MARÍA ZAFRA CORTÉS
Soziologian lizentziatua (Granadako Unibertsitatea) eta Sormen Dokumentalaren Teoria eta Praktikako masterra (UAB, Bartzelona). Zinema dokumentaleko errealizadore eta editore gisa lan egin du, ekoiztetxe eta erakunde ugarirekin. Besteak beste, Memorias, norias y fábricas de lejía (2011), El recolector de recuerdos (2011) eta Arreta (2016) film luze dokumentala egin ditu. Zinemagile- eta muntatzaile-lana irakaskuntzarekin uztartzen du. Fils Feministes. Fem memòria, Fem història ikerketa-proiektuan ere parte hartzen du, eta Cooptècniques-eko bazkide sortzaileetako bat izan zen. L’Alternativa Bartzelonako Zinema Independentearen Jaialdiko programatzailea eta koordinatzailea izan zen (2006-2011), eta, gaur egun, Bartzelonako Mostra Internacional de Films de Dones jaialdiaren zuzendaria da.
FIK
ZUZ MARTIN SEGARRA
Komikiak marrazten ditu 2010etik, eta queer aktibista ez-binario eta feminista da. Haren lan luzeen artean, aipagarriak dira Alicia en un mundo real, Annemarie eta Residencia de Estudiantes. Haren lanen abiapuntua begirada disidente, kritiko eta konprometitu bat izaten da beti. Begirada berarekin egin zituen Irse o morir eta Black is beltza II: Ainhoa komikiak ere; azken horretan, gainera, filmerako gidoia egokitu zuen.
LUCRECIA MASSON
Argentinako ikertzailea, artearen, teoriaren eta aktibismoaren arloetan diharduena. Idazkuntzaren, performancearen, ikerketaren eta irakaskuntzaren bidez zabaltzen du bere lana. Antirrazista, heterosexualitatearen desobeditzailea, migratzailea, transfeminista eta lodi autoimmunea da. Zientzia Politikan lizentziatua da, Buenos Airesko Unibertsitatean, eta, horrez gain, Museo Ikasketen Masterra (MACBA) eta Ikasketa Independenteen Programako Teoria Kritikoa (PEI 2014-2015; UAB) ikasi ditu. Colectivo Ayllu kolektibo artistiko antikolonialeko kide da, eta haien sorkuntzak Reina Sofía Museoko eta 2 de Mayo Arte Zentroko (CA2M) bildumetan daude erakusgai. Escrituras rumiantes liburua argitaratua du.
LAURA PEDRO
Ikusizko Efektuetan graduatu zen, Efectos Visuales en la Escola Superior de Cinema i Audiovisuals – ESCACen. El Ranchito enpresan parte hartzen du 2015etik. Filmazioetako ikusizko efektuen ikuskatzaile gisa hasi zuen bere ibilbide profesionala, A Monster Calls-en (J.A. Bayona, 2016). Handik urte batzuetara, lan berbera egin zuen Superlópez-en, eta hari esker irabazi zituen Efektu Berezien Goya eta Gaudí sariak. Filmazio-aholkularia da; diseinuaz arduratzen da, ekoizpen bakoitzerako formularik onenak eta egokienak aurkitzeko, aurreprodukziotik hasi eta azken emaitzara, betiere sormen-prozesuaren jarraipena eginez artisten lantaldearekin batera. Gaur egun, La sociedad de la nieve ikuskatzen ari da (Netflix), Félix Bergésekin lankidetzan.
KRAK
MARIONA BORRULL
Zinema-kritikaria da Fotogramas aldizkarian, eta aldizka idazten du Gara, El Cultural eta Sensacine egunkari-aldizkarietan. Horrez gain, astero entzun daiteke haren ahotsa Radio 4ko “Va de cine” eta SER Catalunyako “Tot es comèdia” programetan. “Sopa de miso” anime-podcasta aurkezten du, eta telesailetako espezialista gisa jarduten du Betevéko “Plaza Tísner” emankizunean. A klaseko jaialdietan aritzen da, unibertsitate irakaslea da UPCn, eta Most eta l’Alternativa jaialdietako programatzailea eta prentsa-kudeatzailea. 2022an, Berlinale Talents izendapena jaso zuen.
CÉDRIC SUCCIVALLI
Programatzailea eta zinema-kritikaria da. Aix-Marseilleko Unibertsitatean graduatu zen, eta, gero, David Cronenbergen Crash filmari buruzko tesia ondu zuen, Parisko VII Denis Diderot Unibertsitatean. International Cinephile Societyko presidentea izan da hemezortzi urtean, eta, denbora horretan, mundu guztiko jaialdietan parte hartu eta haiei buruz idatzi du. 2018an, Giornate degli Autori sail paraleloko programatzaile jardun zuen, Veneziako Zinema Jaialdian. Haren xede nagusietako bat Veneziara queer zinema gehiago eramatea izan da. Frantziako Zinema Kritikarien Sindikatuko (SFCC), Académie des Lumièreseko eta Federación Internacional de la Prensa Cinematográficako (FIPRESCI) kidea da, eta nazioarteko boto-emailea Urrezko Globoetan.
IRATI URRESTARAZU
Urrestarazuk artista-lana eta komisariotza uztartzen ditu bere praktikan. Okelako Sormen lantegiaren sortzailea eta kidea da, 2014tik gaur egun arte. 2020an, Artiatx espazioa zabaldu zuen, eta hango kide izan da 2023ra arte. New Delhiko Cervantes Institutuan, Bilboarten, Uharteko Arte Garaikidearen Zentroan, Rekalde Aretoko Kabinete Abstraktuan eta Londreseko NY galerian egon da ikusgai haren lana, besteak beste. 2020an, Nafarroako Artista Gazteen Saria irabazi zuen, arte plastikoen alorrean.
EPAIMAHAIAK
ANIZTASUN ETA GIZA ESKUBIDEEN EPAIMAHAIA
- Andrea Barrones – Amnistía Internacional
- Gorka López Arantzamendi – Festival Internacional de Cine Invisible, Film Sozialak
- Ainhoa López Rodríguez – BFA / DFB
LESBIANISMO ETA GENEROAREN EPAIMAHAIA
- Celeste Agüero González – Ukatu
- Arantxa Catarino de la Calle, Cris Lizarraga Iñarritu, Pilar Parra Leo, Sol Barredo Zuriarrain, Ekain Pliego Trujillo – Bilera
EUSKAL HERRIKO INTERPRETAZIOAREN PROFESIONALEK OSATURIKO EPAIMAHAIA
- Ainhoa Jauregi
- Diego Pérez
- Leire Ucha
GAZTE EPAIMAHAIA
- UPV/EHU, ECPV/EHZE, BAI Bizkaiko Antzerki Ikastegia
Ikasleak: Lucas Alves Pérez, Oihan Astigarraga Ansoalde, Laura Besada Garrido, Ainhoa Casado Gómez, Ivana Coca Turiel, Amets Larrea, Maria Rueda, Gabriel Quiñones Espinal.
SENIOR EPAIMAHAIA
Bizkaiko jubilatuek eta helduentzako hezkuntza zentroetako ikasleek osatzen dute. Mari Jose Agirre Laborda, Asun Amillategui Uriarte, Alberto Elorriaga Zárraga, Itziar Foruria Atxabal, Estibaliz Larreategi Cuadra, Ane Miren de Lasa Garamendi, Itziar Pilar Alberdi.
