ZineGogoak hezkuntzan eragiteko lerro bat da, Bigarren Hezkuntzako, Batxilergoko eta Lanbide Heziketako ikastetxeei zuzendua, hau da, 12 urtetik 19 urtera bitarteko ikasleentzat. LGTBIQ+ ikus-entzunezkoen bidez, kulturan sarbidea izateko eta sexu-, afektu- eta genero-aniztasunari buruz gogoeta egiteko bideak irekitzen ditu, eta, aldi berean, ikasleak ikus-entzunezko hizkuntzaren elementuetara gerturatzen dira.

Zinegogoaken parte hartu nahi duten udalerri guztiei zabalik dagoen ekimena. 2022ko martxoan Portugaleten egin zen lehen esperientzia pilotoa, udalerriko Gazteria eta Kirol Sailak hala eskatuta. Izandako emaitza positiboak ikusita, Zinegoak Elkarteak beste udalerri batzuetara zabaldu nahi du proposamena.

Goizez egiten diren zinema- emanaldi hauek LGTBIQ+ errealitatearekiko sentsibilizazioa eta ikus-entzunezko lengoiaren oinarrizko ezagutza bateratzen dituzte.
Helburua izaera dibulgatibo eta didaktikoa duten doako zinema emanaldiak antolatzea da, Bigarren hezkuntza, Batxillergoa eta Lanbide Heziketako ikastetxeei zuzenduta. Bertan, LGTBIQ+ gaia lantzen duten laburmetraien emanaldia eskeiniko da, baita sexu aniztasuna ardatz izango duen dinamizazio bat ere. Era berean, ikus-entzutezko lengoiaren oinarrizko elementuak ezagutzeko aukera izango dute gazteek.