ZG PRO espazio profesional bat da Zinegoak-en barruan, LGTBIQ+ ikus-entzunezko ekoizpenaren inguruko berrikuntza, ikerketa eta prestakuntza ardatz dituena. Haren helburua sexu-, identitate- eta genero-aniztasunari lotutako zinemaren esparruan lan egiten duten proiektu eta profesionalak babestu, ikusgarri egin eta elkarrekin konektatzea da.
Azken urteotan queer zinemak zirkuitu komertzialetan presentzia handiagoa badu ere, espazio horietara iristea mugatua da oraindik proiektu gehienentzat. Horregatik, 2026an ere, LGTBIQ+ sorkuntza zinematografikoari tokian-tokian, Espainiako estatuan eta nazioartean babesa emateko konpromisoa berresten du ZG PROk.
Programak Europa Hegoaldeko LGTBIQ+ Jaialdien Sarearen (Queer Lisboa eta Queer Porto, Mix Milano, Pariseko Chéries-Chéris eta Zinegoak) eta Espainiako LGBTIQ+ Laborategien Sarearen (FIRE!! LAB, QueerCineLab —Lesgaicinemad, Cinhomo, Andalesgai eta Fancinequeer jaialdiak biltzen dituena— eta Zinegoak) laguntza jaso du. Donostiako Nazioarteko Zinemaldiarekin batera, eta hirugarren urtez jarraian, laborategi bakoitzak ZG PRO Industry SSIFF saria emango du, proiektu irabazlearen ekoizleek jaialdiko industria-foroetan parte har dezaten.
Aurten ere, Triodos Bank-en lankidetza izango du ZG PROk, 3.000 euroko ZG PRO LABORATEGIA sariaren babesle gisa, eta Neurads saria ere emango du, queer ikuspegiko proiektuen garapenean aholkularitza-prozesu batean parte hartzeko aukera ematen duena. Halaber, ZG PRO Music Library saria babestuko du Music Library & SFXk, eta Incoproduction merkatu digitalak ere parte hartuko du.
ZG PRO bi egunetan egingo da, Azkuna Zentroan: ekainaren 25ean, ZG PRO Master class-a izango da, ikus-entzunezko eta kultura-arloko profesionalen hitzaldiak barne; eta, ekainaren 26an, ZG PRO LAB, non proiektuen pitching-a, hitzaldi espezializatuak eta one to one topaketak egingo diren.
ZG PROko jarduera guztiak publikoari irekiak dira, baina arreta berezia eskaintzen zaie sektoreko profesionalei eta LGTBIQ+ kulturari lotutako industria zinem